मित्रांनो सध्या डिजिटल युग चालू आहे आणि या डिजिटल युगात एक आश्चर्यकारक बदल घडवणारी गोष्ट म्हणजे कृत्रिम बुद्धिमत्ता (AI - Artificial Intelligence). काही वर्षांपूर्वी आपण ChatGPT, AI बद्दल फक्त ऐकत होतो. पण आज ChatGPT, AI आपल्या सर्वांच्या मोबाईलमध्ये, कामात, शिक्षणात, दैनंदिन जीवनात आले आहे. काही लोकांना वाटते ChatGPT माणसांची नोकरी खाणार तर काहींना वाटते ChatGPT चा वापर करून पैसे कमावता येतात. तर काही लोक अजूनही या विचारात अडकलेले आहेत की “ChatGPT म्हणजे काय” "हे कसं काम करत" " सामान्य माणसांसाठी याचा काय उपयोग"

आपल्याही मनात असे प्रश्न येत असतील तर हा लेख शेवटपर्यंत वाचा कारण या लेखात आपण AI युगात टिकण्यासाठी ChatGPT विषयी A to Z सोप्या मराठीत समजून घेणार आहोत.

What is ChatGPT ?

ChatGPT म्हणजे काय ?

ChatGPT हा OpenAI नावाच्या कंपनीने बनवलेला AI-आधारित भाषा मॉडेल आहे. हा तुमच्या भाषेत लिहिलेला मजकूर अथवा प्रश्न समजून घेतो, त्यावर प्रक्रिया करतो आणि तुम्हाला अपेक्षित अर्थपूर्ण उत्तर देतो. सोप्या भाषेत सांगायचं झालं तर आपण त्याला काही विचारलं तर तो ते वाचतो , आपल्याला काय हवे आहे ते व्यवस्थित समजून घेतो , आणि आपल्याला अपेक्षित असे डायरेक्ट उत्तर देतो.

गूगल आपल्याला माहिती कोठे आहे ते दाखवते म्हणजेच त्या माहितीशी संबधित वेबसाइटच्या वेगवेगळ्या लिंक तुम्हाला देते ती प्रत्येक लिंक ओपन करून त्या वेबसाइटस वरुन तुम्हाला अपेक्षित माहिती अथवा उत्तर शोधावे लागते.

पण ChatGPT आपण जे काही विचारलं आहे ते समजून घेऊन तुम्हाला अपेक्षित माहिती अथवा प्रश्नाचे उत्तर एकाच ठिकाणी तुमच्या भाषेमध्ये तुम्हाला देत असते ज्यामुळे तुमच्या वेळेची बचत होते.

AI चे सर्वात पॉवरफुल स्वरूप म्हणजे..... ChatGPT. एक असा AI जो तुमच्याशी अगदी माणसाप्रमाणे बोलतो… तुमचे प्रश्न समजून घेतो …आणि तुमच्या अपेक्षित आशा सोप्या भाषेत उत्तर देतो. AI चा वापर करून बरेच लोक १० पट जलद वेगाने काम करत आहेत.

ChatGPT म्हणजे रायटर, टीचर, Assistant, Problem Solver, Idea Generator सर्व एकाच ठिकाणी उपलब्ध आहे.

अधिक माहितीसाठी 👉 🛒 Amazon वर पहा

सूचना: या पोस्टमध्ये affiliate links असू शकतात. तुम्ही लिंकद्वारे खरेदी केल्यास आम्हाला छोटा कमिशन मिळू शकतो

ChatGPT मागील तंत्रज्ञान

ChatGPT मधील मुख्य ३ तंत्रज्ञान

1. Machine Learning

हे मॉडेल इंटरनेट वर असलेल्या प्रचंड प्रमाणातील माहितीवर प्रशिक्षण घेतं. या प्रशिक्षणामध्ये ChatGPT ला भाषेची रचना कशी करावी, शब्दांचा योग्य अर्थ कसा समजून घ्यावा, वाक्यरचना कशी करावी, माहिती कशी लिहावी, प्रश्नांची अपेक्षित उत्तरं कशी द्यावीत हे सगळं शिकवलं जातं.

2. Neural Networks

ही एआय मधील अशी पद्धत आहे जी मानवी मेंदू जसा काम करतो त्यापद्धतीने डेटावर प्रक्रिया करण्यास शिकवते. ChatGPT मध्ये अब्जो Parameters असतात जे मानसिक प्रक्रियेप्रमाणेच Data process करतात.

3. NLP – Natural Language Processing

ChatGPT ला “मानवी भाषा” समजायला हे तंद्रज्ञान मदत करते.

आपण विचारलेल्या महितीच्या प्रश्नाचा टोन कशा प्रकारचा आहे (serious / funny / professional) व हेतु काय आहे हे समजून घेऊन त्याचा संदर्भ समजणे आणि शेवटी काय उत्तर द्यावयाचे ते अचूक ठरवणे. ही सर्व प्रक्रिया काही सेकंदांत केली जाते.

ChatGPT आणि Google Search दोन्हीमध्ये फरक काय ?

Google ChatGPT

Website च्या भरपूर लिंक देतो Direct उत्तर मिळते

शोध घ्यावा लागतो उत्तर तयार करून मिळते

शोध घेण्यात जास्त वेळ लागतो काही सेकोंदात एकत्रित माहिती मिळते

हे ही वाचा आवडेल : Importance of Artificial Intelligence | कृत्रिम बुद्धिमत्ता

ChatGPT काय करू शकते

ChatGPT काय करू शकतो?

ChatGPT प्रत्येक क्षेत्रात पोहचला आहे. त्याची क्षमता खूप मोठी आहे. आता सामान्य व्यक्तिपासून व्यावसायिक क्षेत्रापर्यंत लाखो लोक वेगवेगळ्या गोष्टींसाठी ChatGPT चा वापर करताना दिसत आहेत.

सोशल मीडिया मध्ये Content Creator याचा खूप चांगला वापर करत आहेत. .

YouTube Creator व्हिडिओ करिता स्क्रिप्ट तयार करून घेणे, Attractive टाइटल, Description तयार करून घेण्यास मदत होत आहे.
Blog लिहणे करिता वेगवेगळ्या विषयातील उत्तम दर्जाचे लेख, कथा लिहून देऊ शकतो.
Facebook, WhatsApp करिता आकर्षक पोस्ट तयार करून देऊ शकतो.
व्हिडिओ करिता नवनवीन आयडिया देऊ शकतो.

शिक्षण क्षेत्रामध्ये

विद्यार्थांना गणित , विज्ञान, इतिहास इत्यादि विषयात नोट्स तयार करायला मदत करणे.
कठीण विषय असतील तर त्याचे सोप्या भाषेत रूपांतर करून देऊ शकतो.
परीक्षेची तयारी करण्यासाठी MCQ, प्रश्न व उत्तरे, सारांश तयार करणे.
भाषांतर करून देणे.

Career च्या क्षेत्रात

नोकर वर्गासाठी सुद्धा याचा खूप फायदा होत आहे.
जॉब करिता Resume तयार करणे.
Job interview साठी questions तयार करणे.
जॉब अॅप्लिकेशन करिता Cover letter तयार करणे

Business

मार्केटिंगच्या नवनवीन आयडियाज मिळवणे.
Customer service मध्ये ग्राहकांच्या चौकशीला प्रतिसाद देणे , ग्राहकांना पाठवायचे मेसेजेस, जाहिरात तयार करण्यासाठी वापर केला जातो.
कमीत कमी वेळात Business Reports तयार करणे.
Business संबधीत Emails तयार करणे.
Excel formula करिता मदत घेतली जाते.

Technical

सॉफ्टवेअर तयार करण्यासाठी अगदी कमी वेळात Programming code तयार करणे.
Bugs fix करणे म्हणजेच एखाद्या सॉफ्टवेअर प्रोग्रॅम मध्ये काही चूक किंवा समस्या असेल तर ती चूक दुरुस्त करण्यात याचा वापर केला जातो.
तंत्रज्ञानाचा वापर करून कमीत कमी मानवी हस्तक्षेपाने कामे करण्यासाठी Automation Idea मिळवण्यासाठी याची मदत घेतली जाते.

सामान्य लोक कसा वापरू शकतात

गृहिणी रोजच्या जेवणाकरिता मेनू व रेसिपी करिता मदत घेऊ शकतात.
घरखर्च कसा सांभाळावा याचे नियोजन करण्याकरिता माहिती मिळवू शकतात.
मुलांना शिकवण्यासाठी मजेदार उपक्रम शोधू शकतात.
प्रवासाची योजना तयार करू शकतात.
अर्ज, नोटिस, भाडे करारपत्र तयार करून देऊ शकतो.
चांगले चांगले शुभेच्छा संदेश करून देऊ शकतो.
घरखर्च कसा सांभाळावा याचे नियोजन करण्याकरिता माहिती मिळवू शकतात.
मुलांना शिकवण्यासाठी मजेदार उपक्रम शोधू शकतात.
प्रवासाची योजना तयार करू शकतात.
अर्ज, नोटिस, भाडे करारपत्र तयार करून देऊ शकतो.
चांगले चांगले शुभेच्छा संदेश करून देऊ शकतो.

ChatGPT म्हणजे काय अधिक माहितीकरिता 🛒पुस्तक येथे उपलब्ध आहे

ChatGPT चे फायदे व मर्यादा

फायदे

तुम्ही काहीही विचारलं तरी काही सेकंदांत उत्तर मिळते.
वेळ आणि मेहनत दोन्ही वाचतात.
तुमचे काम १० पट जलद गतीने होते.
कोणत्याही विषयावर हा आपल्याला माहिती देऊ शकतो.
कोणत्याही भाषेमध्ये हा उत्तर देऊ शकतो. मराठीतही उत्तमपणे उत्तर मिळते.
कठीण विषय अगदी साध्या, आपल्या भाषेत समजावून सांगतो.

मर्यादा :

रिअल-टाइम डेटा किंवा लाईव्ह न्यूज विषयी माहिती कधी कधी चुकीची मिळू शकते.
ChatGPT १०० % accurate नसतो
पर्सनल Sensitive माहिती, बँक डीटेल, पासवर्ड , आधार क्रमांक शेअर करणे सुरक्षित नाही.
तो तुमच्यासाठी निर्णय घेत नाही, फक्त सूचना देतो अंतिम निर्णय तुम्हीच घ्यायला हवा.
जास्त अवलंबून राहिलात तर स्वतःची कौशल्ये कमी होऊ शकतात

सारांश

ChatGPT खूप उपयोगी आहे पण तो “सर्वज्ञानी” नाही. आजच्या युगातील तो एक Powerful Digital Tool आहे. तो एक मदत करणारे साधन (Tool) आहे, अंतिम निर्णय घेणारा माणूस नाही. ChatGPT वापरणारा पुढे जाईल परंतु ChatGPT वर अवलंबून राहणारा मागे पडेल.

योग्य वापर = यश

FAQ: नेहमी विचारले जाणारे प्रश्न

प्रश्न १. ChatGPT म्हणजे नक्की काय?

ChatGPT हे Open AI कंपनी ने बनविलेले एक टूल आहे जे आपण विचारलेली माहिती अथवा प्रश्न नीट समजून घेऊन त्यावर प्रक्रिया करते व आपल्याला समजेल अशा सोप्या भाषेत अर्थपूर्ण अपेक्षित उत्तर देते.

प्रश्न २. GPT चा फूलफॉर्म काय आहे?

GPT म्हणजे Generative Pre-trained Transformer

म्हणजे माहिती तयार करणारे, आधीच मोठ्या प्रमाणातील माहितीवर प्रशिक्षण घेतलेले AI- कृत्रिम बुद्धिमत्तेचे एक खास प्रकारचा मॉडेल.

प्रश्न ३. ChatGPT मधील मुख्य तीन तंत्रज्ञान कोणती?

Machine Learning, Neural Network व Natural Language Processing (NLP ) या मुख्य 3 तंत्रज्ञानवर आधारित ChatGPT काम करते.

प्रश्न ४. ChatGPT वापरण्याचा फायदा काय?

आपण कोणत्याही भाषेत कोणत्याही कठीण विषयावर विचारलेल्या माहिती अथवा प्रश्नाचे उत्तर १० पट जलद गतीने म्हणजेच काही सेकंदात सोप्या शब्दात अपेक्षित असे अर्थपूर्ण उत्तर आपल्याला मिळते.

प्रश्न ५. ChatGPT चा कोणकोणत्या क्षेत्रात वापर केला जातो?

ChatGPT सोशल मीडिया मध्ये कंटेंट क्रिएटर याचा वापर करतात. सॉफ्टवेअर इंजीनियर प्रोग्रामिंग मध्ये कोडिंग तयार करण्यात व प्रोग्रॅम मधील चूक दुरुस्त (Bug Fix) करण्यात याची मदत घेतात. बिजनेस मध्ये कमीत कमी वेळात एक्सेल शीट तयार करणे, रीपोर्ट तयार करणे, पॉवर पॉइंट प्रेझेंटेशन तयार करणे करिता याचा वापर करत असतात. शिक्षण क्षेत्रात, दैनंदिन कामकाजात सामान्य लोक सुद्धा याचा वापर करत आहेत.

प्रश्न ६ . ChatGPT चा वापर करून पैसे कमावता येतात काय ?

होय. ChatGPT चा योग्य वापर करून Youtube, ब्लॉग लेखन, Freelancing या सारख्या क्षेत्रात पैसे कमवता येतात.

तर मित्रांनो ChatGPT म्हणजे काय ?, त्याचा वापर कोणत्या क्षेत्रात केला जातो, यातील तंत्रज्ञान कोणते अशा बर्‍याच प्रश्नांची उत्तरे मी तुम्हाला या लेखामध्ये देण्याचा प्रयत्न केला आहे ही माहिती आपल्याला नक्कीच उपयोगी येईल. हा लेख आपल्या कसा वाटला हे कमेंट करून सांगायला विसरू नका .

धन्यवाद ! 🙏🙏 जय महाराष्ट्र 🚩🚩

हे ही वाचा : Computer Information in Marathi

आपल्याला आवडेल अशी माहिती :

How to Use ChatGPT- ChatGPT चा वापर व त्याचे फायदे

ऑनलाइन व्यवहार करताना घ्यावयाची काळजी | Digital Payment Security

How to Validate Digital Signature | आधार कार्ड मधील Digital Sign

Gateway in Networking | गेटवे संगणक नेटवर्क मधील महत्वाचा पूल

What is Cryptocurrency in Marathi | क्रिप्टोकरन्सी सुरक्षित आहे काय